باجوڙ جي علائقي ڪلي ڪوٽ ۾ افغان طالبان جي بنا جواز فائرنگ جي نتيجي ۾ شهيد ٿيل 3 ڄڻن جي جنازي نماز ادا ڪئي وئي، جنهن ۾ سڪيورٽي فورسز جي اعليٰ آفيسرن ۽ علائقي واسين جي وڏي انگ شرڪت ڪئي. سڪيورٽي فورسز جي اعليٰ آفيسرن متاثرن جي گهرن جو دورو ڪيو ۽ خاندانن کي هر ممڪن سهڪار جو يقين ڏياريو، جڏهن ته باجوڙ جي رهواسين افغان طالبان جي بزدلاڻي ڪارروائي جي سخت مذمت ڪندي سيڪيورٽي فورسز سان مڪمل يڪجهتي جو اظهار ڪيو. باجوڙ جي شهرين ان حملي جي مذمت ڪندي چيو آهي ته افغان طالبان پاران معصوم شهرين کي نشانو بڻائڻ انتهائي بزدلاڻو عمل آهي، صوبائي حڪومت جا نمائندا ۽ وڏو وزير صوبائي مسئلن بدران رڳو اڊيالا جيل تي ڌيان ڏئي رهيا آهن. شهرين چيو ته صوبائي حڪومت رڳو اعلان ڪري رهي آهي جڏهن ته عملي قدم نه کنيا ويا آهن. پاڪستان هميشه افغانستان سان سٺو سلوڪ ڪيو آهي پر بدقسمتي سان اڄ اهي پاڪستاني عوام تي گوليون هڻي رهيا آهن. شهري چيو ته اسان پنهنجي افغان ڀائرن کي دلين ۾ جاءِ ڏني هئي پر موجوده رويي کانپوءِ انهن مان سٺي جي اميد رکڻ مشڪل آهي، طالبان حڪومت روز عوامي هنڌن تي شيلنگ ڪري رهي آهي، ٻارن ۽ عورتن کي نشانو بڻائي رهي آهي، جيڪو ناقابل قبول آهي. واضح رهي ته گذريل ڏينهن باجوڙ ۾ افغان طالبان جي کليل جارحيت جي نتيجي ۾ ٻارن سميت 3 شهري شهيد ٿي ويا هئا.
Source link
Leave a Comment Leave a Comment
