بنگلاديش پهريون ڀيرو آسٽريليا کي ون ڊي سيريز ۾ شڪست ڏئي تاريخ رقم ڪري ڇڏي.
تفصيل موجب بنگال ٽائيگرز آسٽريليا کي برسات سبب متاثر ٻي ون ڊي ميچ ۾ 5 وڪيٽن تان شڪست ڏئي ڇڏي.
آسٽريليا 42 اوورن ۾ 187 رنسون ٺاهيون، جيستائين برسات سبب راند روڪي وئي. لابوشين 55 رنسون ناٽ آئوٽ رهيو جڏهن ته بارٽلٽ 52 رنسن جي اننگز کيڏي.
بنگلاديش طرفان تسڪين احمد ۽ مستفيض الرحمان 3 ۽ 3 وڪيٽون ورتيون.
بنگلاديش کي ڊڪ ورٿ لوئس ميٿڊ تحت 41 اوورن ۾ 192 رنسن جو ٽارگيٽ مليو، جيڪو هن 35 اوورن ۾ 5 وڪيٽن جي نقصان تي حاصل ڪري ورتو.
سوميا سرڪار ۽ نجم حسين شانتو 42 ۽ 42 رنسون ٺاهيون، جڏهن ته توحيد هريدوئي 40 رنسون ٺاهيون.
اها بنگلاديش جي آسٽريليا خلاف مجموعي طور تي ٽين ون ڊي ميچ آهي جڏهن ته اهو پهريون ڀيرو آهي جڏهن بنگلاديش آسٽريليا کي ون ڊي سيريز ۾ شڪست ڏني آهي.
ٻنهي ٽيمن وچ ۾ سيريز جي آخري ون ڊي ميچ 14 جون تي کيڏي ويندي.
