اسلام آباد:
پاڪستان مان حج پروازن ذريعي حاجين جي سعودي عرب لاءِ روانگي جو سلسلو جاري آهي.
مليل انگن اکرن موجب سرڪاري اسڪيم تحت 32 هزار 454 عازمين 126 پروازن ذريعي سعودي عرب پهچي چڪا آهن، جڏهن ته 4 هزار 489 نجي حج به حجاز مقدس پهچي چڪا آهن.
جده لاءِ سڌيون حج اڏامون 4 مئي کان شروع ٿي رهيون آهن، اڄ پاڪستان جي مختلف شهرن مان 17 حج پروازن ذريعي وڌيڪ 4 هزار 377 عازمين کي سعودي عرب روانو ڪيو ويندو.
پاڪستان حج مشن جي مين ڪنٽرول آفيس حاجين کي مختلف سهولتون فراهم ڪري رهي آهي. گم ٿيل ۽ بحالي واري کاتي 6 حاجين جا 37 ويل چيئر ۽ 3700 ٿيلها ڳوليا آهن ۽ انهن جي مالڪن کي واپس موڪليا آهن، جڏهن ته حرم گائيڊز 13 هزار کان وڌيڪ عازمين کي صحيح رستن جي هدايت ڪئي آهي.
حج ميڊيڪل مشن تحت حاجين کي طبي سهولتون پڻ فراهم ڪيون پيون وڃن، جن ۾ 132 ڊينٽل پروسيجر، 28 ايڪسري، 18 ليب ٽيسٽ، 8 الٽراسائونڊ، 5 اي سي جي ۽ 5 هزار او پي ڊي جون خدمتون شامل آهن.
