راولپنڊي:
گهر اندر زوردار ڌماڪي جي نتيجي ۾ 6 ڄڻا زخمي ٿي پيا.
ريسڪيو 1122 موجب وفاقي راڄڌاني جي جڙيل شهر راولپنڊي جي آفندي ڪالوني ۾ هڪ گهر ۾ گيس فلنگ ٿيڻ سبب ڌماڪو ٿيو.
ڌماڪي بعد گهر ۾ باهه لڳي وئي، جنهن جي نتيجي ۾ 6 ڄڻا زخمي ٿي پيا. ريسڪيو 1122 جي ترجمان جو چوڻ آهي ته ڌماڪي سان گهر کي سخت نقصان پهتو آهي.
ڌماڪي جو اطلاع ملندي ئي امدادي ٽيمون موقعي تي پهچي ويون ۽ بروقت ڪارروائي ڪري گهر ۾ لڳل باهه تي ضابطو آندو. ريسڪيو اهلڪارن فوري طور تي سمورن زخمين کي طبي امداد لاءِ اسپتال منتقل ڪيو.
شروعاتي طور تي، ڌماڪي جي نوعيت گيس لڪير ٻڌايو پيو وڃي. ڌماڪو ايترو ته زوردار هو جو گهر جي عمارت کي به نقصان پهتو. ريسڪيو ذريعن تصديق ڪئي آهي ته ريسڪيو آپريشن کانپوءِ علائقي کي ڪليئر ڪرايو ويو آهي ۽ زخمين جو اسپتال ۾ علاج ڪيو پيو وڃي.
