ٻئين ٽيسٽ ميچ ۾ پاڪستان خلاف بنگلاديش جي پوزيشن مضبوط ٿي وئي آهي.
سلهٽ ۾ کيڏيل ميچ جي چوٿين ڏينهن جي پڄاڻي تي پاڪستان 7 وڪيٽن جي نقصان تي 316 رنسون ٺاهي ورتيون آهن.
محمد رضوان 75 ۽ ساجد خان 8 رنسون ٺاهي ڪريز تي موجود آهن جڏهن ته پاڪستان کي تاريخي فتح لاءِ وڌيڪ 121 رنسن جي ضرورت آهي.
پاڪستان طرفان ڪپتان شان مسعود ۽ سلمان آغا 71، 71، بابر اعظم 47، اذان اويس 21، عبدالله فضل ۽ سعود شڪيل 6، 6 جڏهن ته حسن علي بنا ڪنهن رنسون ٺاهي آئوٽ ٿي ويا.
بنگلاديش طرفان تيج الاسلام 4، ناهيد رانا 2 ۽ مهدي حسن ميراز هڪ وڪيٽ ورتي.
ڪالهه بنگلاديش جي ٽيم پنهنجي ٻي اننگز ۾ 390 رنسن تي آل آئوٽ ٿي وئي ۽ پاڪستان کي ڪاميابي لاءِ 437 رنسن جو وڏو ٽارگيٽ ڏنو.
ياد رهي ته پاڪستان ٽاس کٽي بنگلاديش کي پهريان بيٽنگ جي دعوت ڏني هئي.
بنگلاديش پنهنجي پهرين اننگز ۾ 278 رنسون ٺاهيون هيون، جنهن جي جواب ۾ پاڪستاني ٽيم پنهنجي پهرين اننگز ۾ 232 رنسون ٺاهي سگهي.
