سنڌ ۾ برسات جا امڪان، ڪراچي ۾ موسم ڪيئن رهندي؟

سنڌ جي ڪجهه ضلعن ۾ اڄ ۽ سڀاڻي برسات جو امڪان آهي، جڏهن ته اڪثر علائقن ۾ موسم گرم ۽ خشڪ رهندي. موسميات کاتي جي ارلي وارننگ سينٽر جي اڳڪٿي موجب اڄ ڄامشورو، شهيد بينظير آباد، حيدرآباد، ميرپورخاص، ٽنڊي الله يار، ٽنڊي محمد خان، بدين ۽ ٿرپارڪر ۾ تيز هوائن ۽ گجگوڙ سان برسات جو امڪان آهي. اڄ ۽ سڀاڻي جيڪب آباد، لاڙڪاڻو، قمبر شهدادڪوٽ، سکر، ڪشمور، گهوٽڪي، شڪارپور ۽ دادو ۾ ڪجهه هنڌن تي تيز هوائن ۽ گجگوڙ سان برسات جو امڪان آهي. موسميات کاتي موجب ڪراچي ۾ جمعي ۽ ڇنڇر تي موسم نسبتاً گرم رهڻ جو امڪان آهي، جڏهن ته وڌ کان وڌ گرمي پد 37 ڊگري سينٽي گريڊ تائين پهچڻ جو امڪان آهي.



Source link