ڪراچي:
عالمي ۽ مقامي منڊي ۾ اڄ سون ۽ چاندي جي قيمتن ۾ هڪ ڀيرو ٻيهر گهٽتائي رڪارڊ ڪئي وئي آهي.
آمريڪا-ايران جنگ جي ڇڪتاڻ، خام تيل جي عالمي قيمتن ۾ واڌ سبب مهانگائي جو خدشو ۽ سود جي شرح بلند سطح تي رهڻ جي خطرن سون ۽ چاندي جي قيمتن کي پنهنجي لپيٽ ۾ آڻي ڇڏيو آهي.
وچ اوڀر ۾ جاري ڇڪتاڻ ۽ عالمي مهانگائي جي خدشي سبب عالمي ۽ مقامي سطح تي سون ۽ چاندي جي قيمتن ۾ گهٽتائي جو رجحان برقرار آهي.
اڄ ڇنڇر ڏينهن عالمي بلين مارڪيٽ ۾ سون جو في تولو اگهه 6 ڊالرن جي گهٽتائي سان 4 هزار 539 ڊالرن جي سطح تي اچي ويو آهي ۽ اهڙي طرح مقامي صرافه مارڪيٽن ۾ سون جو في تولو اگهه 600 رپين جي گهٽتائي سان 4 لک 76 هزار 262 رپين جي سطح تي پهچي ويو آهي.
هوڏانهن مقامي سطح تي سون جو في 10 گرام اگهه 515 رپيا گهٽتائي سان 4 لک 8 هزار 317 رپيا ٿي ويو آهي.
اهڙي طرح عالمي مارڪيٽ ۾ چاندي جو في اونس اگهه 1 ڊالر 59 سينٽ جي گهٽتائي سان 75 ڊالر 89 سينٽس، مقامي صرافه مارڪيٽن ۾ چاندي جو في تولو اگهه 159 رپيا 8 هزار 73 رپيا ۽ في 10 گرام چاندي جو اگهه 136 رپيا 216 رپيا گهٽتائي سان ٿي ويو آهي.
ياد رهي ته گذريل ڏينهن عالمي ۽ مقامي منڊي ۾ سون ۽ چاندي جي قيمتن ۾ اوچتو گهٽتائي ٿي هئي.
