سينيٽ اجلاس ۾ 58 نقاطي ايجنڊا، 8 بل واپس ورتا ويندا

سينيٽ اجلاس جو 58 نقاطي ايجنڊا جاري ڪيو ويو، جنهن ۾ سينيٽ ميمبرن پاران 8 بل واپس وٺڻ تي غور ڪيو پيو وڃي. ڪالهه اڱاري ڏينهن سينيٽ جي اجلاس ۾ سينيٽر عبدالقادر پاران پيش ڪيل بل ۾ اهم قانون سازي 58 نقاطي ايجنڊا جو حصو آهي، جنهن ۾ 8 نوان قانون متعارف ڪرايا ويندا ۽ 8 بل واپس ورتا ويندا، ان کان علاوه پارليامينٽ ميمبرن جي پگهارن ۽ الائونسز بابت ايڪٽ ۾ ترميم جو معاملو به ايجنڊا جو حصو آهي. پاسپورٽ ترميمي بل ۽ ڪرمنل ڪوڊ ترميمي بل به ايجنڊا ۾ شامل آهن جڏهن ته سول سرونٽس کي مستقل يا بحال ڪرڻ وارو ترميمي بل به ايوان ۾ پيش ڪيو ويندو. پرڏيهي سيڙپڪاري ترميمي بل 2026 ۽ اسلام آباد انٽرنيشنل يونيورسٽي اسٽيبلشمينٽ بل به ايجنڊا جو حصو آهن. پارليامينٽ جي ميمبرن پاران واپس وٺڻ لاءِ بلن ۾ اينٽي ٽيررازم ايڪٽ ۽ ايف آءِ اي ترميمي بل شامل آهن، جڏهن ته پاڪستان هلال اٿارٽي ۽ نيشنل ڪميشن فار چائلڊ رائيٽس بل به واپس ورتا ويندا. ان کان علاوه پاڪستان ڪميشن آف انڪوائري ۽ پاڪستان ريگيوليٽري اٿارٽي فار منرل بل به واپس ورتو ويندو.



Source link