پاڪستان جو اڳوڻو ڪپتان شاهد آفريدي هڪ ڀيرو ٻيهر پنهنجي بيان سبب سوشل ميڊيا تي تنقيد جو نشانو بڻجي ويو آهي.
اسلام آباد ۾ دار ارقم اسڪولن جي هڪ تقريب کي خطاب ڪندي هن ٻارن جي تعليم، موبائل فون جي استعمال ۽ والدين جي ذميوارين تي خيالن جي ڏي وٺ ڪئي.
شاهد آفريدي چيو ته رڳو ديني يا دنياوي تعليم ڪافي ناهي، ٻارن جي اخلاقي ۽ مذهبي تربيت سڀ کان اهم آهي.
سندس چوڻ هو ته اڄڪلهه والدين ٻارن کي خاموش ڪرائڻ لاءِ فوري طور موبائيل فون بند ڪري ڇڏيندا آهن جڏهن ته اها هڪ بيماري بڻجي رهي آهي.
هن انڪشاف ڪيو ته هن شادي کان اڳ پنهنجي ڌيئرن کي موبائل فون استعمال ڪرڻ جي اجازت نه ڏني هئي.
اڳوڻي ڪرڪيٽر وڌيڪ چيو ته ٻارن جي تعليم رڳو ماءُ جي ذميواري ناهي، پيءُ ۽ ماءُ ٻنهي کي گڏجي وقت گذارڻ گهرجي.
جڏهن ته سوشل ميڊيا صارفين سندس بيان تي سخت رد عمل ظاهر ڪيو آهي. ڪيترن ئي ماڻهن جو چوڻ هو ته ٻارن کي ٽيڪنالاجيءَ کان پري رکڻ جي بجاءِ ذميواري سان استعمال ڪرڻ سيکارڻ وڌيڪ ضروري آهي.
ڪجهه صارفين ڌيئرن بابت آفريدي جي موقف کي سخت ۽ پراڻو قرار ڏنو، جڏهن ته ڪجهه سندس خيالن کي طنزيه انداز ۾ تنقيد جو نشانو بڻايو.
