پاڪستاني اداڪارا مهرالنساءِ اقبال شوبز انڊسٽري سان لاڳاپيل نوجوان ڇوڪرين کي شادي جي حوالي سان اهم مشورو ڏئي ڇڏيو.
خانگي ٽي وي جي پروگرام ۾ ڳالهائيندي هن چيو ته زندگي ۾ هر شيءِ پنهنجي وقت تي بهتر ٿيندي آهي ان ڪري صحيح وقت تي شادي ڪرڻ سٺو فيصلو ٿي سگهي ٿو.
هن چيو ته جيئن جيئن عمر ۽ تجربو وڌندو آهي تيئن تيئن انسان جي سوچ ۽ ترجيحات ۾ به تبديلي ايندي آهي.
اداڪارا موجب وقت سان گڏ معيار وڌندا ويندا آهن جنهن ڪري شادي جو فيصلو ڪرڻ مشڪل ٿي ويندو آهي ان ڪري ننڍي عمر ۾ ئي عقلمندي وارو فيصلو ڪرڻو پوندو آهي.
هن وڌيڪ چيو ته شادي کان پوءِ به پروفيشنل زندگي جاري رکي سگهجي ٿي پر اميدن تي توازن رکڻو پوندو.
سندس چوڻ هو ته زندگيءَ ۾ سڀ ڪجهه هڪ ڀيرو حاصل نه ٿيندو آهي، ڪجهه نه ڪجهه قربان ڪرڻو پوندو آهي ۽ ان سان ئي مضبوط رشتو ۽ گهر قائم ٿيندو آهي.
