طالبان جي حڪومت جي مسلسل وڌندڙ عالمي سفارتي اڪيلائي جي نتيجي ۾ افغانستان لاءِ امدادي رقم ۾ رڪارڊ گهٽتائي آئي آهي.
طالبان حڪومت جي انتها پسند پاليسين جي ڪري افغانستان هر گذرندڙ ڏينهن سان سفارتي اڪيلائي جو شڪار ٿي رهيو آهي. افغان عوام قابض طالبان حڪومت جي انتها پسند پاليسين جي قيمت هڪ سنگين انساني بحران جي صورت ۾ ادا ڪري رهيو آهي.
نارويجن ريفيوجي ڪائونسل جي هڪ رپورٽ موجب افغانستان لاءِ امدادي فنڊنگ رڪارڊ گهٽ آهي، هر ڇهن ڊالرن مان فقط هڪ ڊالر گهربل آهي. آمريڪا، جيڪو افغانستان جي ڪل امداد جو 40 سيڪڙو ڏيندو هو، هاڻي سندس سموري مالي امداد بند ڪري ڇڏي آهي.
رپورٽ ۾ چيو ويو آهي ته افغانستان کي پهريون ڀيرو پناهگيرن واري ڪائونسل پاران جاري ڪيل دنيا جي نظرانداز ٿيل بحرانن جي فهرست ۾ شامل ڪيو ويو آهي.
افغانستان انٽرنيشنل ان رپورٽ جو حوالو ڏيندي چيو آهي ته افغانستان هاڻي دنيا جي سڀ کان گهٽ امدادي انساني بحرانن مان هڪ بڻجي ويو آهي.
افغان معاملن جي جرمن مبصر ٿامس رتيگ موجب، جيستائين طالبان سمورن افغانن جي انساني حقن جو عملي احترام نه ڪن، تيستائين انهن کي سفارتي طور تسليم نه ڪيو وڃي.
ماهرن موجب انساني حقن جي ڀڃڪڙين، دهشتگردي ۽ منشيات جي اسمگلنگ جي سرپرستي افغان طالبان کي دنيا لاءِ ناقابل قبول بڻائي ڇڏيو آهي.
https://img.express.pk/media/videos/afghan_taliban_funds_shortage.mp4
