عالمي مارڪيٽ ۾ خيبرپختونخواهه جي ماکي جي طلب ۾ واڌ

عالمي مارڪيٽ ۾ خيبرپختونخواهه جي مختلف علائقن مان ماکي جي طلب وڌي وئي آهي. نار جي ملڪن سميت ڪيترن ئي ملڪن ۾ ماکي جي برآمد پنهنجي عروج تي پهچي وئي آهي. پشاور مان ماکي جا مختلف قسم ٻاهرين ملڪن ڏانهن موڪلڻ شروع ٿي ويا آهن. ماکيءَ کي فطرت جو انمول تحفو سمجهيو ويندو آهي، ماکي نه رڳو ذائقي ۾ منفرد آهي پر ان سان گڏ ڪيترائي صحت جا فائدا پڻ آهن. ماکي کي صدين کان کاڌي ۽ دوا طور استعمال ڪيو پيو وڃي، ماهرن موجب ماکيءَ ۾ قدرتي مٺايون، وٽامن ۽ ٻيا قدرتي اجزا موجود آهن جيڪي انساني جسم لاءِ فائديمند سمجهيا وڃن ٿا. پاڪستان جي مختلف علائقن، گلگت بلتستان ۽ ڪشمير جو ماکي پنهنجي معيار ۽ ذائقي جي ڪري مشهور آهي، پر خيبرپختونخواهه جي ماکيءَ کي عالمي مارڪيٽ ۾ سٺي مڃتا ملي رهي آهي. خيبرپختونخواهه ۾ پشاور کان علاوه ڪرڪ، ڊي آءِ خان، ڪوهاٽ، سوات ۽ چترال ۾ ماکي تيار ڪئي ويندي آهي. ماکي جا ڪيترائي قسم آهن، جن ۾ بيري، پيلي، آڑو، مالٽا، برسين، سرس، لچي، اسپرڪ، بيڪر، روبينا، سنجلا شامل آهن. پشاور جي علائقي چمڪاڻي ۾ صوبي جي سڀ کان وڏي ماکيءَ جي مارڪيٽ آهي، جتي هر قسم جو ماکي آسانيءَ سان ملي ٿو. پشاور جي ماکيءَ جي مارڪيٽ بين الاقوامي اهميت جي حامل آهي، جتان ماکي ٻين ملڪن ڏانهن امپورٽ ڪيو ويندو آهي. عام ماکيءَ کان وٺي مهانگو ماکي تائين پشاور جي ماکي مارڪيٽ ۾ آساني سان ملي سگهي ٿو، دنيا جو مشهور يمني ماکي به هن بازار ۾ موجود آهي، جنهن جي قيمت 10 هزار کان 40 هزار رپيا في ڪلو آهي.



Source link