اسلام آباد:
سپريم ڪورٽ خانپور سانحي جي جوابدار جي موت واري سزا عمر قيد ۾ تبديل ڪري ڇڏي. جسٽس هاشم ڪاڪڙ چيو ته پراسيڪيوشن ثابت نه ڪري سگهي ته جوابدار خودڪشي ڪرڻ آيا هئا.
ان کان علاوه سپريم ڪورٽ ٽي آر جي پي، ٽي آر جي آءِ ۽ گرين ٽري هولڊنگ ڪمپني جون اپيلون رد ڪندي ڪمپني کي قيمت ادا ڪرڻ جو حڪم ڏئي ڇڏيو. جسٽس نعيم اختر سنڌ هاءِ ڪورٽ جو فيصلو برقرار رکيو.
ٻئي طرف سپريم ڪورٽ قرار ڏنو آهي ته مالڪ جي اجازت کانسواءِ ٽئين شخص جي ملڪيت حق مهر ۾ شامل نه ٿي ڪري سگهجي.
عدالت پشاور هاءِ ڪورٽ جو فيصلو ڪالعدم قرار ڏيندي پلاٽ جو ٽائيٽل ڪالعدم قرار ڏئي ڇڏيو. جسٽس مسرت هلالي چيو ته رڪارڊ مان ثابت ٿيو ته ساڄي مهل ۾ لکيل هڪ ڪينال جو پلاٽ درخواستگذار شير عالم خان جي سُسر جو هو.
سپريم ڪورٽ نيب بابت فيصلي ۾ چيو آهي ته غلطي يا انتظامي انحراف بذات خود بدانتظامي جي زمري ۾ نٿو اچي جيستائين شعوري بدنيتي نه هجي.
جسٽس صلاح الدين پريو چيو ته فوجداري ڪيس ۾ فيصلي تي نظرثاني جو سپريم ڪورٽ جو اختيار محدود آهي پر هي عدالت بي اختيار ناهي، ماضي کان قانون لاڳو نٿو ٿي سگهي.
اڳوڻي وفاقي وزير انور سيف الله تي 1996 ۾ او جي ڊي سي ايل ۾ غير قانوني ڀرتين جو الزام هو، سپريم ڪورٽ نظرثاني جو فيصلو ڏنو.
