پاڪستان ڪرڪيٽ بورڊ (پي سي بي) قومي وومين ٽيم جي ڪپتان فاطمه ثنا کي انگلينڊ ۾ وومين هينڊرڊ ٽورنامينٽ ۾ شرڪت جي اجازت ڏئي ڇڏي آهي.
تفصيل موجب فاطمه ثنا انگلينڊ ۾ وومين هينڊرڊ ٽورنامينٽ ۾ شرڪت لاءِ سريلنڪا خلاف ٽي ٽوئنٽي سيريز کان غير حاضر رهندي.
فاطمه ثنا پهريون ڀيرو سريلنڪا خلاف ون ڊي سيريز ۾ پاڪستان جي نمائندگي ڪندي جيڪا وومينز چيمپيئن شپ جو حصو آهي.
28 جولاءِ تي ون ڊي سيريز کان پوءِ، هوءَ سڌو سنئون انگلينڊ کان همبنٽوٽا پهچندي جتي هوءَ برمنگهم فينڪس لاءِ هينڊريڊ ٽورنامينٽ جون باقي ميچون کيڏندي.
24 سالن جي فاطمه ثنا پهرين پاڪستاني عورت ڪرڪيٽر بڻجي وئي جنهن کي گذريل مهيني وومين هينڊرڊ ٽيم ۾ چونڊيو ويو.
هن تازو عورتن جي ٽي 20 ورلڊ ڪپ ۾ پڻ شاندار آل رائونڊ ڪارڪردگي ڪئي ۽ 11 وڪيٽون ورتيون.
پي سي بي موجب اهو فيصلو فاطمه ثنا کي عالمي مقابلي واري ٽي 20 ليگ ۾ کيڏڻ جو تجربو فراهم ڪرڻ لاءِ ڪيو ويو آهي جنهن سان سندس ۽ قومي ٽيم ٻنهي جي ترقي ۾ مدد ملندي.
