فيفا ورلڊ ڪپ 2026 ۾ گولن جي برسات فٽبال جي تاريخ کي تبديل ڪري ڇڏيو، ٽورنامينٽ پنهنجي 33 هين ميچ ۾ 100 گولن جو سنگ ميل عبور ڪيو، جيڪو 68 سالن ۾ تيز ترين آهي.
تاريخي لمحو تڏهن آيو جڏهن هالينڊ جي اسٽار اسٽرائڪر ڪوڊي گپڪو سويڊن خلاف 5-1 جي شاندار فتح ۾ ٽيون گول ڪري پنهنجي سينچري مڪمل ڪئي.
انگن اکرن موجب هن 2026 ٽورنامينٽ ۾ گول اسڪورنگ ايوريج 3.09 في ميچ تائين پهچي وئي آهي ۽ ماهرن موجب هي ايڊيشن 300 کان وڌيڪ گولن تائين وڃي سگهي ٿو.
دلچسپ ڳالهه اها آهي ته 1958ع کان پوءِ اهو پهريون ڀيرو آهي جو ايتري گهٽ ميچن ۾ 100 گول مڪمل ڪيا ويا آهن. ان کان به تيز رڪارڊ صرف 1954 جي ورلڊ ڪپ ۾ قائم ڪيو ويو جڏهن هدف صرف 20 ميچن ۾ حاصل ڪيو ويو.
ماهرن هن تيز رفتار گول اسڪورنگ جا ڪيترائي سبب بيان ڪيا آهن، جن ۾ جديد ۽ وڌيڪ حملو ڪندڙ فٽبال حڪمت عمليون، تيز دٻاءُ وارو نظام، دفاعي لائينن ۾ وڌندڙ خال، ۽ نئين ٽيڪنالاجي فاسٽ بالز شامل آهن.
ان کان علاوه ميچن ۾ اضافي وقت ۽ رانديگرن جي اسٽريٽجڪ تبديليون به گولن جو انگ وڌائڻ ۾ اهم ڪردار ادا ڪري رهيون آهن.
