پنجاب حڪومت محرم الحرام جي سيڪيورٽي کي نظر ۾ رکندي صوبي ۾ قلم 144 لاڳو ڪري ڇڏيو آهي. پنجاب ۾ پهرين کان 10 محرم تائين قلم 144 لاڳو رهندو.
بااختيار اختيارين جي اجازت کان سواءِ عوامي هنڌن تي هر قسم جي هٿيارن ۽ آتش بازي واري مواد جي نمائش تي پابندي هوندي. عوامي جذبات، عقيدن ۽ فرقن کي مجروح ڪندڙ اشتعال انگيز نعرن ۽ اشارن تي مڪمل پابندي هوندي. سوشل ميڊيا يا ٻين ذريعي فرقيوارانه نفرت پکيڙڻ وارن خلاف سخت ڪارروائي ڪئي ويندي. ان کان علاوه جلوس جي رستن تي گهرن يا ٻين عمارتن جي ڇتن تي مورچن جي تعمير تي به پابندي هوندي.
جلوس جي رستن تي عمارتن جي ڇتين تي پٿر، سرون، بوتلون يا ڪچرو گڏ ڪرڻ به منع آهي. جلوس دوران رستن تي عمارتن يا دڪانن جي ڇت تي تماشائي بڻجڻ تي پابندي هوندي. بزرگ شهرين، عورتن ۽ قانون لاڳو ڪندڙ اهلڪارن کانسواءِ ٻي ڪنهن به سواري جي اجازت نه هوندي. ڊبل سواري کانسواءِ سموريون پابنديون پهرين کان 10 محرم تائين لاڳو هونديون.
پنجاب جي گهرو سيڪريٽري قلم 1898 جي قلم 144 (6) تحت پابنديون لاڳو ڪيون، محرم دوران امن امان ۽ مذهبي هم آهنگي برقرار رکڻ لاءِ قلم 144 لاڳو ڪيو ويو.
