لاهور:
پنجاب جي وڏي وزير مريم نواز هڪ ڪروڙ رپيا واپس وٺڻ لاءِ درخواست داخل ڪري ڇڏي.
ايڪسپريس نيوز موجب چيف جسٽس لاهور هاءِ ڪورٽ مس عاليه نيلم جي سربراهي ۾ 3 رڪني بينچ درخواست جي ٻڌڻي ڪئي. مريم نواز طرفان وڪيل جاويد ارشد ڀٽي ايڊووڪيٽ پيش ٿيو.
ٻڌڻي دوران چوڌري شگر مل ۾ 7 ڪروڙ رپيا ضمانت طور جمع ڪرايا ويا، نيب شگر مل ڪيس بند ڪري ڇڏيو، عدالت هاءِ ڪورٽ ۾ جمع ڪرايل 7 ڪروڙ رپيا واپس ڪرڻ جو حڪم ڏئي ڇڏيو.
عدالت نيب جي وڪيل کان سپريم ڪورٽ کان درخواست واپس وٺڻ لاءِ دستاويز طلب ڪري ورتا.
نيب جي وڪيل چيو ته اسان سپريم ڪورٽ ۾ درخواست داخل ڪئي هئي پر ان تي اعتراض هو، آفيس جي اعتراض کانپوءِ اسان ٻيهر درخواست داخل نه ڪئي.
عدالت چيو ته توهان سپريم ڪورٽ ۾ درخواست واپس وٺڻ لاءِ دستاويز جمع ڪرايو، جنهن تي نيب جي وڪيل درخواست واپس وٺڻ لاءِ دستاويز جمع ڪرائڻ لاءِ مهلت گهري ورتي.
عدالت ڪيس جي ٻڌڻي 4 مئي تائين ملتوي ڪري ڇڏي.
