آر ايس ايس سميت سموريون انتهاپسند تنظيمون، جيڪي بي جي پي جي سرپرستي هيٺ ڳجهي بيروني فنڊنگ تي هلن ٿيون، هندستاني سماج کي پنهنجي قبضي ۾ ڪري ورتو آهي.
ڀارتي اخبار دي وائر موجب حڪومتي حلقن ۾ اهم شخصيتون به هندوتوا تنظيم آر ايس ايس سان وفاداريون رکن ٿيون، جنهن جو مودي حڪومت تي اثر رسوخ آهي. آمريڪا ۾ قائم انڊين ڊولپمينٽ اينڊ رليف فنڊ 1995 کان 2002 تائين آر ايس ايس کي لکين ڊالر منتقل ڪيا.
گجرات ۾ عيسائين خلاف تشدد ۽ 2002ع ۾ مسلمانن جي قتل عام ۾ هندوتوا تنظيمن جي ملوث هجڻ جا دستاويزي ثبوت موجود آهن، ڀارتي سياسي تجزيه نگار راجو پاروليڪر چيو آهي ته آمريڪا، برطانيا ۽ يورپ سميت سڄي دنيا ۾ دهشتگرد تنظيمن کي ڳجهي فنڊنگ آهي.
https://img.express.pk/media/videos/151.mp4
ڀارتي جرنل فرنٽ لائن موجب ٻاهرين ملڪ هندو تنظيمن رليف جي نالي تي فنڊ گڏ ڪري آر ايس ايس ڏانهن منتقل ڪيا. حڪومت پرڏيهي فنڊنگ تي عام فلاحي تنظيمن خلاف سخت ڪارروائي ڪئي آهي، جڏهن ته آر ايس ايس کي کليل ڇوٽ ڏني وئي آهي.
هندستاني اخبار The Telegraph پڻ اولهه بنگال ۾ نوجوانن ۾ آر ايس ايس پاران قومپرست نظريي جي پکيڙ کي ظاهر ڪيو. آر ايس ايس بنگال جي 250,000 نوجوانن تائين پهچڻ لاءِ ميڊيڪل ۽ انجنيئرنگ ڪاليجن جي شاگردن کي نشانو بڻايو.
ڀارتي تجزيه نگار ڊاڪٽر پنڪج شريواستوا موجب فنڊنگ جا ڳجها ذريعا سامهون اچڻ جو خدشو آهي، آر ايس ايس رجسٽريشن کان بچي سماج ۾ نفرت پکيڙڻ ۾ مصروف آهي.
