پاڪستان خلاف پهرين ٽيسٽ جي پهرين ڏينهن بنگلاديشي بيٽسمينن اعتماد سان بيٽنگ ڪندي ٽيم جي پوزيشن مضبوط ڪئي.
ميرپور ڍاڪا ۾ کيڏي ويندڙ ٽيسٽ ميچ ۾ پاڪستان ٽاس کٽي بنگلاديش کي پهريان بيٽنگ جي دعوت ڏني، جنهن بعد پهرين 2 وڪيٽون 31 رنسن تي ڪري پيون.
محمود الحسن جويي 8 ۽ شادمان اسلام 13 رنسون ٺاهي آئوٽ ٿيا، پر مومن الحق ڪپتان نجم الحسن شنٽو سان گڏ ٽئين وڪيٽ لاءِ 170 رنسن جي ڀائيواري قائم ڪري ٽيم کي ڏکيائين مان ڪڍي ڇڏيو.
نجم الحسن شنٽو 101 رنسون ٺاهي آئوٽ ٿيو، پوءِ مومن الحق (91) مشفيق الرحيم سان گڏ چوٿين وڪيٽ لاءِ 75 رنسن جي ٻي پارٽنرشپ قائم ڪئي.
بنگلاديش راند جي پڄاڻي تائين 4 وڪيٽن جي نقصان تي 301 رنسون ٺاهي ورتيون.
پاڪستان طرفان حسن علي، شاهين آفريدي، محمد عباس ۽ نعمان علي هڪ هڪ وڪيٽ ورتي.
