پشاور:
هنگو: فتح الخوارج جي دهشتگردن پاران گذريل رات خزاني چيڪ پوسٽ تي قبضي جي ڪوشش ڪئي وئي.
ڊسٽرڪٽ پوليس آفيسر (ڊي پي او) موجب پوليس اهلڪارن فوري ۽ ڀرپور جوابي ڪارروائي ڪندي دهشتگردن کي ٽن ڪلاڪن تائين منهن ڏنو، جنهن سبب دهشتگرد پنهنجن ارادن ۾ ناڪام ٿي ويا.
فائرنگ جي ڏي وٺ دوران ايلٽ فورس جو هڪ سپاهي زخمي ٿي پيو، جنهن کي فوري طبي امداد ڏني پئي وڃي.
پوليس موجب علائقي ۾ سرچ آپريشن جاري آهي ۽ سيڪيورٽي سخت ڪئي وئي آهي.
