وائيٽ هائوس جي پريس سيڪريٽري ڪيرولين ليويٽ پنهنجي ٻئي ٻار کي جنم ڏنو آهي، سوشل ميڊيا تي کيس ۽ سندس خاندان لاءِ مبارڪباد جو سلسلو جاري آهي.
آمريڪي صدر ڊونلڊ ٽرمپ جي ويجهي ساٿي ۽ وائيٽ هائوس جي پريس سيڪريٽري ڪيرولين ليويٽ سوشل ميڊيا تي ٻڌايو ته هن پهرين مئي تي ڌيءَ کي جنم ڏنو، جنهن جو نالو ”ويوانا“ رکيو ويو آهي.
پنهنجي پيغام ۾ ڪيرولين ليويٽ جو چوڻ هو ته ماءُ ۽ ٻار ٻئي سٺي حالت ۾ آهن، جڏهن ته سندن وڏو پٽ به پنهنجي نئين ڀيڻ سان گڏ وقت گذاري رهيو آهي ۽ فيملي زندگي جي نئين دور مان لطف اندوز ٿي رهي آهي.
28 سالن جي ڪيرولين ليويٽ آمريڪا جي تاريخ ۾ سڀ کان ننڍي وائيٽ هائوس پريس سيڪريٽري آهي، ۽ پنهنجي سخت ۽ جارحاڻي پريس بريفنگز جي ڪري مشهور آهي.
رپورٽن مطابق هن کي 24 اپريل کان زچگي جي موڪل تي وڃڻو هو پر وائيٽ هائوس جي صحافين جي ڊنر دوران سيڪيورٽي واقعي کانپوءِ هن موڪل ملتوي ڪري ڇڏي ۽ 28 اپريل تائين سرڪاري فرض سرانجام ڏيندي رهي.
ڪيرولين ليويٽ 2025 ۾ ريئل اسٽيٽ ڊولپر نڪولس ريڪيو سان شادي ڪئي، سندس شادي ۽ ذاتي زندگي اڪثر ڪري سوشل ميڊيا تي خبرن ۾ رهندي آهي.
1 مئي تي، Viviana اڪا “Vivi” اسان جي خاندان ۾ شامل ٿي، ۽ اسان جون دليون فوري طور تي پيار سان ڀريل. 💕
هوءَ مڪمل ۽ صحتمند آهي، ۽ هن جو وڏو ڀاءُ خوشيءَ سان پنهنجي نئين ٻارڙي ڀيڻ سان گڏ زندگي گذاري رهيو آهي. اسان پنهنجي نئين ڄاول بلبل ۾ هر پل لطف اندوز ٿي رهيا آهيون.
توهان جي مهرباني… pic.twitter.com/wM1P1zEGsa
– ڪرولين ليويٽ (@karolineleavitt) 7 مئي 2026
واضح رهي ته سندن پهريون ٻار جولاءِ 2024 ۾ پيدا ٿيو هو جنهن کانپوءِ چونڊ مهم دوران صدر ٽرمپ تي حملي جي ڪوشش ڪئي وئي هئي، جنهن کانپوءِ ڪيرولين پنهنجي زچگي جي موڪل گهٽائي ڇڏي هئي.
