پهلگام جي ڪوڙي پرچم جي آڙ ۾ ڀارتي رياستي دهشتگردي هڪ سال اڳ والاريل ڪشمير جي عوام جو جيئڻ جنجال ڪري ڇڏيو آهي.
مودي حڪومت سيڪيورٽي ناڪامي ۽ مسلم مخالف تعصب جي آڙ ۾ ڪشميرين کي زبردستي بيدخل ڪيو ۽ سندن گهر ڊاهي پٽ ڪري ڇڏيا.
مشهور نشرياتي اداري الجزيره موجب بي جي پي والاريل ڪشمير جي ڊيموگرافڪ ڍانچي کي تبديل ڪرڻ جي سازش ڪري رهي آهي، ڀارت جي واحد مسلم اڪثريتي خطي. ڀارتي حڪومت بنا ڪنهن تحقيق ۽ ثبوت جي مقامي ڪشميرين کي دهشتگرد قرار ڏئي سندن گهر ڊاهي پٽ ڪري ڇڏيا.
والاريل ڪشمير ۾ ڀارتي فوج آپريشن جي نالي تي ڪشميري عورتن کي حراسان ڪري رياست جي بربريت جو ثبوت ڏنو.
ڀارتي فوج ڪشميري عوام تي خوف ۽ دهشت مسلط ڪري خطي تي قابض آهي ۽ مودي جون ظالمانه پاليسيون مسلط ڪري رهي آهي.
