اسلام آباد:
وفاقي حڪومت ايندڙ مالي سال جي بجيٽ ۾ ملڪيتن جي خريداري ۽ وڪري تي لاڳو ود هولڊنگ ٽيڪس گهٽائڻ لاءِ آءِ ايم ايف سان باضابطا ڳالهيون شروع ڪري ڇڏيون آهن.
قومي اسيمبلي جي ناڻي بابت اسٽينڊنگ ڪميٽي جو اجلاس چيئرمين سيد نويد قمر جي صدارت هيٺ پارليامينٽ هائوس ۾ ٿيو.
ايف بي آر ڪميٽي کي ٻڌايو ته آءِ ايم ايف کي انڪم ٽيڪس آرڊيننس 2001 جي سيڪشن 236 سي ۽ 236 ڪي تحت ٽيڪس جي شرح ۾ نرمي لاءِ راضي ڪرڻ لاءِ ڪوششون جاري آهن پر ڳالهيون سخت مرحلي ۾ داخل ٿي ويون آهن.
ميمبر لينڊ روينيو پاليسي ايف بي آر سجاد ڪميٽي کي ٻڌايو ته ملڪيت جي خريد و فروخت تي ٽيڪس جي شرح گهٽائڻ جي معاملي تي آءِ ايم ايف سان ويڙهه ٿيندي ڇو ته ٽيڪس جي شرح گهٽائڻ ايف بي آر جي اختيار ۾ ناهي.
ملاقات ۾ خليجي جنگ کانپوءِ اوورسيز پاڪستانين پاران پاڪستان ۾ سرمائي ۽ آمدني جي منتقلي ذريعي رئيل اسٽيٽ جي شعبي ۾ سيڙپڪاري جي امڪانن تي به تفصيلي غور ويچار ڪيو ويو.
اقتصاديات جي ماهر علي سلمان چيو ته ملڪ جي بجلي ۽ گيس جي شعبن جو گردشي قرض خطرناڪ حد تائين وڌي 5.1 کرب رپين تائين پهچي ويو آهي، جنهن ۾ گئس شعبي تي 3.3 ٽريلين رپيا جڏهن ته پاور سيڪٽر تي 1.8 ٽريلين رپيا واجب الادا آهن. آهي
