پاڪستان جي شهزاد بٽ ورلڊ ڊس ايبلڊ سنوڪر چيمپيئن شپ جي فائنل ۾ جاءِ ٺاهي ورتي، شهزاد بٽ سيمي فائنل ۾ چين جي يوان هوان هي کي شڪست ڏئي ٽائيٽل ميچ لاءِ ڪواليفاءِ ڪيو. تفصيل موجب پاڪستان لاءِ سنوڪر جي ميدان مان وڏي خوشخبري سامهون آئي آهي، پاڪستان جو باصلاحيت ڪيئي رانديگر شهزاد بٽ ورلڊ ڊس ايبلڊ سنوڪر چيمپيئن شپ جي فائنل ۾ پهچي ويو آهي. سيمي فائنل ۾ شهزاد بٽ چين جي يوان هوان هي کي 1-3 فريم تان شڪست ڏئي ٽائيٽل لاءِ پنهنجي جاءِ ٺاهي ورتي. پاڪستاني رانديگرن سڄي ميچ ۾ سٺي راند کيڏي ۽ اهم لمحن ۾ پنهنجي برتري برقرار رکي ڪاميابي حاصل ڪئي. شهزاد بٽ فائنل ۾ ٿائلينڊ جي دفاعي چيمپيئن سونگ ڪيٽ ريبينڪو سان مقابلو ڪندو. ٻنهي رانديگرن وچ ۾ فيصلو ڪندڙ ميچ آچر تي صبح 8 وڳي کيڏي ويندي. شهزاد بٽ غير معمولي ڪارڪردگي ڏيکاريندي ٽورنامينٽ ۾ ٻه بلند ترين بريڪ پڻ حاصل ڪيا آهن. هن 71 ۽ 81 پوائنٽن جا سڀ کان وڌيڪ بريڪس کيڏندي پنهنجي صلاحيتن جو مظاهرو ڪيو آهي. فائنل کان اڳ شهزاد بٽ قوم کي اپيل ڪئي آهي ته هو سندس ڪاميابي لاءِ دعا ڪن. پاڪستاني مداحن کي اميد آهي ته هو فائنل ۾ به سٺي ڪارڪردگي ڏيکاريندي ملڪ لاءِ عالمي ٽائيٽل کٽڻ ۾ ڪامياب ٿي ويندا.
Source link
Leave a Comment Leave a Comment
