وفاقي آئيني عدالت سرداري نظام ۽ شناختي دستاويزن جي تصديق بابت اهم فيصلو جاري ڪيو، جنهن ۾ قرار ڏنو ويو ته قبائلي سردار شناختي ڪارڊ ۽ ڊوميسائل جي تصديق جا اهل ناهن.
جسٽس عامر فاروق جي سربراهي ۾ ٻه رڪني بينچ 12 صفحن تي ٻڌل فيصلو جاري ڪيو.
قانون ۾ صرف بااختيار اختيارين کي اختيار ڏنو ويو آهي ته هو سڃاڻپ جي دستاويزن جي تصديق ڪن. وفاقي آئيني عدالت موجب ڪنهن به قبائلي سردار کي قانون کان ٻاهر دستاويزن جي تصديق جو اختيار نه ٿو ڏئي سگهجي.
قانون موجب سرداري نظام 1976ع ۾ ختم ٿي چڪو آهي، قبيلن جي سرداري وارو نظام علائقائي روايت آهي، ان جي ڪا به قانوني حيثيت ناهي، علائقائي روايت کي عدالتي جواز نٿو ڏئي سگهجي.
درخواستگذار متاثر ڌر ناهي ان ڪري اپيل قابل قبول ناهي، درخواستگذار غلام علي موجب هو خروٽي قبيلي جو سردار آهي، درخواستگذار موجب سندس قبيلي جي ماڻهن جي دستاويزن جي تصديق ڪرائڻ ناممڪن آهي، کين سڃاڻپ جي دستاويزن کان محروم ڪيو ويو.
رڳو مظلوم ئي عدالت وڃڻ جو حقدار آهي، بلوچستان جي خروٽي قبيلي جي غلام علي، سردار غلام علي بلوچستان هاءِ ڪورٽ جي فيصلي خلاف اپيل داخل ڪئي.
