لاهور:
عسڪري 9 ڪالوني ويجهو خوفناڪ ٽريفڪ حادثي جي نتيجي ۾ 2 نوجوان فوت ٿي ويا.
ٽريفڪ پوليس ترجمان موجب حادثو ٻن موٽرسائيڪلن وچ ۾ ٽڪر جي نتيجي ۾ پيش آيو. شروعاتي جاچ ۾ حادثو تيز رفتاري کي قرار ڏنو پيو وڃي.
حادثي جي نتيجي ۾ موٽرسائيڪل سوار ٻئي ڄڻا موقعي تي ئي فوت ٿي ويا. مارجي ويلن جي سڃاڻپ جنيد شفيق رهواسي علي پارڪ لاهور ۽ دانيال سجاد رهواسي منظور ڪالوني طور ٿي آهي.
اطلاع ملندي ئي پوليس ۽ امدادي ٽيمون واقعي واري هنڌ پهچي ويون، جتان ضروري ڪارروائي بعد ٻنهي لاشن ۽ موٽرسائيڪلن کي تحويل ۾ وٺي ڇڏيو.
ٻئي طرف چيف ٽريفڪ آفيسر لاهور سيد عبدالرحيم شيرازي واقعي جو نوٽيس وٺندي ايس پي ٽريفڪ کان فوري رپورٽ طلب ڪري ورتي آهي، جڏهن ته حادثي جي وڌيڪ جاچ ڪئي پئي وڃي.
