پاڪستان ايئر فورس 55هين نيشنل مينز والي بال چيمپيئن شپ 2026 جو ٽائيٽل کٽي ورتو.
تفصيل موجب 55هين نيشنل مرد والي بال چيمپيئن شپ جو فائنل پاڪستان آرڊيننس فيڪٽري اسپورٽس ڪامپليڪس واهه ڪينٽ ۾ کيڏيو ويو.
پاڪستان ايئر فورس پاڪستان نيوي کي سنسني خیز فائنل ۾ 1-3 تان شڪست ڏئي ڇڏي.
پاڪستان ايئر فورس 12 سالن کانپوءِ هڪ ڀيرو ٻيهر قومي ٽائيٽل کٽي ورتو.
پهريون سيٽ 25-16 تان هارائڻ باوجود پي اي ايف ايندڙ ٽي سيٽ 21-25، 21-25 ۽ 18-25 تان کٽي ورتي.
پاڪستان ايئر فورس سڄي ٽورنامينٽ ۾ ناقابل شڪست رهي.
ٽورنامينٽ ۾ پاڪستان ايئر فورس سيمي فائنل ۾ دفاعي چيمپيئن واپڊا کي سڌي سيٽن تان هارائي ڇڏيو.
چيمپيئن شپ 18 کان 23 مئي 2026 تائين منعقد ڪئي وئي جنهن ۾ سڄي ملڪ مان 16 بهترين ٽيمن حصو ورتو.
پاڪستان ايئر فورس جي ڪيپٽن چيف ٽيڪنيشن فهد رضا کي فائنل ۽ ٽورنامينٽ جي بهترين رانديگر جي اعزاز سان نوازيو ويو.
چيف ٽيڪنيشن آفاق خان کي بهترين آئوٽ هٽر جو ايوارڊ مليو.
اها ڪاميابي پاڪستان ايئر فورس جي شاندار ڪارڪردگي، ٽيم ورڪ ۽ سٺي رانديگرن جي عزم کي اجاگر ڪري ٿي.
