انفارميشن ٽيڪنالاجي واري وفاقي وزير شازا فاطمه خواجا چيو آهي ته ايٽارڪسس جي 2026 جي گلوبل آئوٽ سورسنگ ٽيلنٽ انڊيڪس ۾ پاڪستان 193 ملڪن مان 16هين نمبر تي اچي ويو آهي.
تفصيل موجب شازا فاطمه چيو ته پاڪستان دنيا جي ٽاپ 9 سيڪڙو ملڪن ۾ شامل آهي. پاڪستان هن وقت چين (37هين)، ويٽنام (32هين)، ڪولمبيا (31هين) ۽ مغربي يورپي ملڪن جرمني (84هين)، فرانس (73هين)، اسپين (49هين) ۽ برطانيه (29هين) کان اڳتي آهي.
هن چيو ته پاڪستان جو ٽيلنٽ اسڪور 80 مان 100 آهي، ان ئي اسڪيل تي پاڪستان عالمي سطح تي اٺين نمبر تي آهي، جڏهن ته پاڪستان جي رينڪنگ يورپي يونين، وچ اوڀر جي مالڪن ۽ انڊيڪس ۾ شامل هر آفريقي ملڪ کان اڳتي آهي.
هن چيو ته پاڪستان هر سال 20 سيڪڙو جي سراسري شرح سان ترقي ڪري رهيو آهي جيڪو اسان جي ٽيڪنالاجي ايڪو سسٽم جي صلاحيت ۽ مضبوطي جو واضح ثبوت آهي.
