آمريڪا ايران سان مبينا لاڳاپن جي ڪري 344 ملين ڊالر جي cryptocurrency اثاثن کي منجمد ڪري ڇڏيو آهي.
آمريڪي خزاني واري سيڪريٽري اسڪاٽ بيسنٽ سوشل ميڊيا تي پنهنجي بيان ۾ چيو آهي ته آمريڪي حڪومت ايران جي فنڊز پيدا ڪرڻ، منتقلي ۽ واپس ڪرڻ جي صلاحيت کي منظم طريقي سان نقصان پهچائيندي.
هن وڌيڪ چيو ته ان حوالي سان ايران سان جڙيل ڪيترن ئي ڪرپٽو ڪرنسي ويلٽس تي پابنديون لاڳو ڪيون ويون آهن، جنهن جي نتيجي ۾ 344 ملين ڊالرز جا فنڊ منجمد ڪيا ويا آهن.
آمريڪي خزاني واري کاتي جي بيان ۾ ايران جي مالي صلاحيت کي محدود ڪرڻ لاءِ قدم جاري رکڻ جي عزم جو اظهار ڪيو ويو آهي.
بيان ۾ چيو ويو آهي ته اهو قدم وچ اوڀر ۾ جاري جنگ سبب توانائي جي فراهمي ۾ خلل دوران ايران تي دٻاءُ وڌائڻ لاءِ کنيو ويو آهي.
آمريڪي خزاني واري کاتي چيني آئل ريفائنريز، شپنگ ڪمپنين ۽ آئل ٽينڪرز تي پابنديون لاڳو ڪري ڇڏيون آهن جن تي ايران جي تيل برآمدات ۾ مدد ڪرڻ جو الزام آهي.
پابنديون لاڳو ڪيون ويون آهن جڏهن آمريڪي سفير اسٽيو وٽڪوف ۽ جيرڊ ڪشنر ڇنڇر تي پاڪستان روانو ٿي رهيا آهن، جتي ايران سان جنگ جي خاتمي لاءِ ڳالهين جو هڪ نئون دور شروع ٿيڻ وارو آهي.
