پاڪستان وومين ڪرڪيٽ ٽيم زمبابوي خلاف پهرئين ون ڊي ميچ ۾ شاندار بيٽنگ جو مظاهرو ڪندي رنسن جو جبل ٺاهيو ۽ مهمان ٽيم کي فتح لاءِ 331 رنسن جو هدف ڏنو. ڪراچي جي نيشنل اسٽيڊيم ۾ کيڏيل ٽن ميچن تي ٻڌل سيريز جي پهرين ميچ ۾ پاڪستان وومين ٽيم مقرر 50 اوورن ۾ 5 وڪيٽن جي نقصان تي 330 رنسون ٺاهيون. اوپنر گل فيروز ۽ صدف شمس 162 رنسن جي پارٽنرشپ قائم ڪري ٽيم کي مضبوط بنياد فراهم ڪيو. گل فيروز 60 بالن تي 5 چوڪن جي مدد سان 50 رنسون ٺاهيون، جڏهن ته صدف شمس سينچري کان صرف 2 رنسون ٺاهي آئوٽ ٿي ويو، هن 130 بالن تي 17 چوڪن جي مدد سان 98 رنسن جي شاندار اننگز کيڏي. مڊل آرڊر ۾ سدرا امين ناقابل شڪست 67 رنسون ٺاهي ٽيم جي اسڪور ۾ نمايان اضافو ڪيو. ان کانسواءِ ناجيه علوي جارحاڻي بيٽنگ ڪندي 29 بالن تي 8 چوڪن ۽ هڪ ڇڪي جي مدد سان 56 رنسون ٺاهيون، جڏهن ته ڪپتان فاطمه ثناءَ مختصر پر اثرائتي اننگز کيڏندي 11 رنسون ٺاهيون. زمبابوي جي قيمتي سارنگي 3 رانديگرن کي آئوٽ ڪيو، پر مهمانن جي فيلڊنگ ناقص هئي ۽ ڪيترائي اهم ڪيچ پڻ ڊراپ ڪيا ويا. پاڪستان جي وڏي هدف کانپوءِ هاڻي زمبابوي وومين ڪرڪيٽ ٽيم کي ميچ کٽڻ لاءِ 331 رنسن جو اسڪور پار ڪرڻو پوندو.
Source link
پاڪستان وومين ڪرڪيٽ ٽيم شاندار شروعات ڪندي پهرين ون ڊي ميچ ۾ زمبابوي کي 331 رنسن جو هدف ڏنو.
Leave a Comment Leave a Comment
