پشاور:
خيبرپختونخواهه حڪومت سالياني ترقياتي پروگرام 26-2025ع جي چوٿين ٽه ماهي لاءِ 25.5 ارب رپيا جاري ڪري ڇڏيا.
تفصيل موجب جاري ڪيل فنڊن ۾ انهن شعبن کي ترجيح ڏني وئي آهي، جن جو سڌو سنئون تعلق عوامي ڀلائي ۽ خدمت جي فراهمي سان آهي. ذريعن موجب صحت، تعليم، پيئڻ جي پاڻي ۽ صفائي، روڊن، آبپاشي ۽ پاڻي جي انتظام، زراعت ۽ لوڪل گورنمينٽ جي شعبن لاءِ اهم فنڊ رکيا ويا آهن.
ان کان علاوه اسپتالن، پرائمري هيلٿ سينٽرن ۽ صحت جي شعبي تحت جاري صحت پروگرامن لاءِ 1 ارب 40 ڪروڙ رپيا جاري ڪيا ويا آهن. اهڙي طرح پيئڻ جي پاڻي ۽ صفائي جي شعبي لاءِ هڪ ارب 13 ڪروڙ رپيا رکيا ويا آهن، جڏهن ته تعليم جي شعبي ۾ پرائمري ۽ سيڪنڊري تعليم لاءِ 69 ملين رپيا ۽ اعليٰ تعليم لاءِ هڪ ارب 105.6 ملين رپيا جاري ڪيا ويا آهن.
سرڪاري ذريعن جو چوڻ آهي ته رابطا ۽ پهچ کي بهتر بڻائڻ لاءِ روڊ سيڪٽر لاءِ 3.74 ڪروڙ 2.6 لک روپين جا سڀ کان وڌيڪ فنڊ جاري ڪيا ويا آهن. اهڙي طرح آبپاشي، ٻوڏ کان بچاءُ ۽ واٽر مئنيجمينٽ منصوبن لاءِ 20 ارب رپيا رکيا ويا آهن.
