نيوزيلينڊ جو اڳوڻو ٽيسٽ فاسٽ بالر باب بليئر پنهنجي 94 هين سالگرهه تي لاڏاڻو ڪري ويو.
هن کي نه رڳو پنهنجي تيز بالنگ لاءِ پر ڪرڪيٽ جي تاريخ جي سڀ کان وڌيڪ جذباتي ۽ هيرو اننگ لاءِ به هميشه ياد رکيو ويندو.
باب بليئر 1953ع کان 1964ع تائين نيوزيلينڊ لاءِ 19 ٽيسٽ ميچون کيڏيون ۽ 43 وڪيٽون ورتيون، پر ڊسمبر 1953ع ۾ ڏکڻ آفريڪا خلاف جوهانسبرگ ٽيسٽ ۾ سندس غير معمولي جرئت سندس سڃاڻپ بڻجي وئي.
ان ميچ جي ٻئي ڏينهن صبح جو نيوزيلينڊ ۾ ڪيوي ٽيم کي تنگي وائي ريل حادثي جي خبر ملي، جنهن ۾ 151 ماڻهو اجل جو شڪار ٿي ويا.
حادثي ۾ مارجي ويلن ۾ بليئر جي منگيتر نيريسا لوئي به شامل هئي.
اداس نڌل بليئر جي ٽيم هوٽل ۾ ترسيو هو ۽ مداحن کي پڪ هئي ته هو بيٽنگ ڪرڻ لاءِ نه ايندو پر نائين وڪيٽ گرڻ کان پوءِ هو اوچتو ڪريز تي اچي ويو.
زخمي ٿيڻ جي باوجود برٽ اسٽڪلف بيٽنگ ڪندي، بليئر آخري وڪيٽ جي پارٽنرشپ ۾ 33 رنسون جوڙيون، جيڪو ڪرڪيٽ جي تاريخ ۾ يادگار لمحن مان هڪ آهي.
بعد ۾ هن جي ياد ۾ ۽ تنگي وائي جي حادثي جي حوالي سان نيوزيلينڊ ۽ ڏکڻ آفريڪا وچ ۾ ٽيسٽ سيريز جي فاتح رانديگر کي ’تنگي وائي شيلڊ‘ ڏني وئي.
نيوزيلينڊ ڪرڪيٽ بليئر جي لاڏاڻي تي گهري ڏک جو اظهار ڪيو آهي ۽ اعلان ڪيو آهي ته رانديگرن انگلينڊ خلاف ٽئين ٽيسٽ جي پهرين ڏينهن بازن تي ڪاري بينڊون پاتل هونديون.
