ڏکڻ آفريڪا وومينز انڊر 19 ٽيم پهريون ڀيرو جولاءِ ۾ پاڪستان جو دورو ڪندي.
پاڪستان ۽ ڏکڻ آفريڪا وومينز انڊر 19 ٽيمن وچ ۾ پنج ٽي ٽوئنٽي ميچن جي سيريز 14 کان 24 جولاءِ تائين ڪراچي ۾ کيڏي ويندي.
سموريون ميچون نيشنل بئنڪ اسٽيڊيم ڪراچي ۾ کيڏيون وينديون.
ڏکڻ آفريڪا وومينز انڊر 19 ٽيم 10 جولاءِ تي ڪراچي پهچندي.
پاڪستان ۽ ڏکڻ آفريڪا جون ٽيمون 11 کان 13 جولاءِ تائين نيشنل بئنڪ اسٽيڊيم ۾ ٽريننگ سيشن ۾ شرڪت ڪنديون.
سيريز جي پهرين ميچ 14 جولاءِ، ٻي ميچ 17 جولاءِ، ٽيون ميچ 19 جولاءِ، چوٿين ميچ 22 جولاءِ ۽ پنجين ميچ 24 جولاءِ تي کيڏي ويندي.
سيريز اي سي سي وومينز ٽي 20 ايشيا ڪپ ۽ آئي سي سي وومينز انڊر 19 ٽي 20 ورلڊ ڪپ جي تيارين ۾ مدد ڪندي.
پي سي بي وومين ڪرڪيٽ ڊپارٽمينٽ تازو ئي ڪراچي ۾ انڊر 19 رانديگرن لاءِ ٽريننگ ڪيمپ منعقد ڪئي.
