ڪراچي:
دستگير صوبي جي علائقي جوهر آباد جي فيڊرل بي ايريا ۾ ٻارن جي جهيڙي ۾ بزرگ به کودجي ويا. هٿياربندن جي فائرنگ جي نتيجي ۾ علائقو جنگ جو ميدان بڻجي ويو، جڏهن ته ان موقعي تي علائقو فضائي فائرنگ سان گونججي ويو.
جهيڙي دوران پٿراءُ ۽ لٺبازي سبب ڪيترائي ماڻهو زخمي ٿي پيا، جڏهن ته مشتعل ماڻهن ڪيترن ئي موٽرسائيڪلن کي باهه ڏئي ڇڏي.
جوهرآباد پوليس جي وڏي نفري واقعي واري هنڌ پهچي صورتحال تي ضابطو آندو ۽ ڪيترن ئي ماڻهن کي گرفتار ڪري ورتو.
ان حوالي سان ايس ايس پي ضلعي سينٽرل ڊاڪٽر عمران خان جو چوڻ هو ته جوهرآباد ٿاڻي جي حد دستگير ويجهو دستگير ۾ ٻارڙن وچ ۾ جهيڙو ٿي پيو، جنهن دوران ٻن ڌرين ۾ جهيڙو ٿي پيو، جنهن دوران ٻنهي ڌرين هڪ ٻئي جي گهرن تي پٿراءُ ڪيو، جڏهن ته علائقي واسين جو وڏو انگ به موقعي تي گڏ ٿي ويو.
هوڏانهن واقعي جو اطلاع ملندي ئي جوهرآباد پوليس جي وڏي نفري واقعي واري هنڌ پهچي صورتحال تي ضابطو آندو.
جڏهن ته پوليس مظاهرين کي منتشر ڪندي جهيڙي ۽ پٿراءَ ۾ ملوث ڪيترن ئي ماڻهن کي گرفتار ڪري ورتو آهي، جاچ جو عمل جاري آهي.
هن چيو ته ابتدائي اطلاعن موجب ٻارن جي جهيڙي کانپوءِ ٻنهي گهرن جا وڏا پڻ پاڻ ۾ جهيڙي ويا، جنهن سبب صورتحال ڇڪتاڻ واري ٿي وئي، پر ڪنهن کي به قانون هٿ ۾ کڻڻ جي اجازت نه ڏني ويندي ۽ ان جهيڙي ۾ جيڪو به ملوث هوندو ان خلاف سخت قانوني ڪارروائي ڪئي ويندي.
ٻئي طرف علائقي مان مليل اطلاعن موجب جهيڙي دوران احتجاج ڪندڙن هڪ موٽرسائيڪل کي به باهه ڏني، جهيڙي دوران هوائي فائرنگ سبب علائقي ۾ خوف ۽ حراس پکڙجي ويو.
جڏهن ته پٿراءَ سبب ڪيترائي ماڻهو زخمي ٿي پيا، جن کي فوري طبي امداد لاءِ اسپتال پهچايو ويو، پر ڪنهن به اڻوڻندڙ صورتحال کي منهن ڏيڻ لاءِ پوليس جي نفري مقرر ڪئي وئي آهي ۽ گشت وڌائي ڇڏيو آهي.
