اسلام آباد (بيورو) گهرو صلاحڪار راڻا ثناءُ الله چيو آهي ته رڳو ڪشمير اسيمبلي ئي مهاجرن جي سيٽن کي تبديل ڪري سگهي ٿي.
ميڊيا سان ڳالهائيندي هن چيو ته آزاد ڪشمير ۾ چونڊون ٿيڻ واريون آهن ۽ چونڊيل نمائندا آئيني حدن اندر رهي ڪري فيصلا ڪري سگهن ٿا پر مهاجرن جي سيٽن ۾ واڌ يا گهٽتائي جو ڪو به انتظامي فيصلو ممڪن ناهي.
راڻا ثناءُ الله چيو ته آزاد ڪشمير جي سپريم ڪورٽ ان حوالي سان پنهنجي راءِ ڏئي چڪي آهي.
هن وڌيڪ چيو ته پي ٽي آءِ جو موقف صرف پي ٽي آءِ جي باني سان ملڻ جو آهي، وڏي وزير سهيل آفريدي منهنجي سامهون پي ٽي آءِ جي باني سان ملاقات جي ڳالهه نه ڪئي.
راڻا ثناءُ الله چيو ته سهيل آفريدي ملاقات دوران رڳو خيبرپختونخواهه جي مسئلن ۽ عوامي معاملن تي ڳالهه ٻولهه ڪئي.
