تهران:
ايران جي ساحلي علائقي سرڪ جي ويجهو ۽ بندر عباس جي اهم بندرگاهه ۾ ڌماڪن جا اطلاع ٻڌا ويا آهن.
ايراني ميڊيا موجب سرڪي ويجهو اوچتو زوردار آواز ٻڌا ويا، جڏهن ته بندر عباس ۾ به ٻه ڌار ڌار ڌماڪا ٿيا.
جڏهن ته، اختيارين طرفان انهن واقعن جي نوعيت ۽ سبب واضح نه ٿي سگهيا آهن.
ٻئي طرف ڪجهه ايراني خبرن جي ادارن دعويٰ ڪئي آهي ته بندر عباس ويجهو ايراني فورسز آبنائي هرمز ۾ داخل ٿيڻ جي ڪوشش ڪندڙ هڪ شڪي ٽينڪر کي روڪيو آهي.
اختيارين موجب هن حساس آبي گذرگاهه تان گذرڻ لاءِ اڳواٽ اجازت ۽ مواصلات ضروري آهي.
ايراني اختيارين صورتحال جي نگراني ڪري رهيا آهن جڏهن ته وڌيڪ تفصيل گڏ ڪيا پيا وڃن.
