لنڊن ۾ سخت گرمي جي لهر سبب پيلي هيلٿ الرٽ جاري ڪيو ويو آهي.
پرڏيهي ميڊيا موجب برطانيا جي هيلٿ سيڪيورٽي ايجنسي جو چوڻ آهي ته هن سال پهريون ڀيرو لنڊن گرمي جي لپيٽ ۾ آهي.
ايجنسي موجب ايندڙ هفتي جي شروعات ۾ گرمي پد 31 ڊگري سينٽي گريڊ تائين وڃڻ جو امڪان آهي، جنهن سبب پيلي هيلٿ الرٽ جاري ڪيو ويو آهي، جيڪو سڀاڻي کان لاڳو ٿيندو.
رپورٽن مطابق هن هفتي به گرمي پد وڌڻ جو سلسلو جاري رهندو، موسم گهڻو ڪري خشڪ ۽ آسمان صاف رهڻ جو امڪان آهي، پر ڇنڇر تي گجگوڙ سان گڏ برسات جو به امڪان آهي.
انگن اکرن موجب هن سال برطانيه جو گرم ترين ڏينهن اپريل ۾ هو، جڏهن ڏکڻ اولهه لنڊن جي ڪي گارڊن ۾ گرمي پد 26.6 ڊگري سينٽي گريڊ تائين پهتو هو. جڏهن ته مئي ۾ گرمي پد 32.8 ڊگري سينٽي گريڊ تائين پهچي ويو، جيڪو اڳ 1922 ۾ ڪيمڊن اسڪوائر ۾ رڪارڊ ڪيو ويو هو.
برطانوي هيلٿ سيڪيورٽي ايجنسي موجب، هڪ پيلو الرٽ جاري ڪيو ويو آهي جڏهن ماڻهو خاص طور تي ڪمزور ماڻهن کي سخت موسم جي ڪري صحت جي مسئلن جو شڪار ٿي سگهي ٿو ۽ طبي امداد جي ضرورت ٿي سگهي ٿي.
