آزاد ڪشمير ۾ بدمعاش جوائنٽ ايڪشن ڪميٽي جي احتجاج ۽ ٻين اشتعال انگيز ڪاررواين سبب عام شهري سخت متاثر ٿي رهيا آهن.
آزاد ڪشمير جي شهرين جو چوڻ آهي ته پابندي مڙهيل عوامي ايڪشن ڪميٽي جي هڙتال جي سڏ سبب وچولو ۽ پورهيت طبقو سڀ کان وڌيڪ متاثر ٿي رهيو آهي.
روزاني ڪمائيندڙ، ننڍا دڪاندار ۽ ڪاروباري ماڻهو سخت پريشانين ۾ ورتل آهن، دڪانن جي جبري بندش سبب کين روزاني استعمال جون شيون حاصل ڪرڻ ۾ ڏکيائين کي منهن ڏيڻو پئجي رهيو آهي.
شهرين چيو ته آزاد ڪشمير جو عوام پرامن ۽ محب وطن آهي جيڪو افراتفري ۽ بدامني بدران امن، استحڪام ۽ خوشحالي چاهي ٿو. آزاد ڪشمير جي عوام کي به پاڪستان سان گهرو لڳاءُ ۽ محبت آهي.
شهرين چيو ته آزاد ڪشمير ۽ پاڪستان جو رشتو رڳو جاگرافيائي نه پر دلين جو رشتو آهي.
