پنجاب جي وڏي وزير مريم نواز شريف پيٽروليم شين جي قيمتن ۾ گهٽتائي جي اعلان جي آجيان ڪندي چيو آهي ته وزيراعظم اگهه گهٽائڻ جو واعدو پورو ڪيو آهي.
پنجاب جي وڏي وزير حڪومت پاران پيٽروليم شين جي قيمتن ۾ گهٽتائي جي آجيان ڪندي سڄي صوبي ۾ ٽرانسپورٽ ۽ مال جي ڀاڙن ۾ گهٽتائي جي فوري طور تي قدم کڻڻ جي هدايت ڪئي.
وڏي وزير مريم نواز شريف ڏکئي صورتحال ۾ ڀرپور سهڪار تي عوام جو شڪريو ادا ڪندي پيٽروليم شين جي قيمتن ۾ گهٽتائي تي وزيراعظم محمد شهباز شريف ۽ سندس ٽيم جي واکاڻ ڪئي.
هن چيو ته علائقائي صورتحال بهتر ٿيڻ تي وزيراعظم محمد شهباز شريف پيٽروليم شين جي قيمتن ۾ گهٽتائي جو واعدو پورو ڪيو. علائقائي صورتحال سبب قوم کي توانائي جي بحران کان محفوظ رکڻ وزيراعظم محمد شهباز شريف جي تاريخي ڪاميابي آهي.
مريم نواز چيو ته وزيراعظم محمد شهباز شريف ۽ فيلڊ مارشل سيد عاصم منير ڏکئي وقت ۾ پنهنجي تاريخي ڪوششن سان دنيا کي توانائي ۽ معاشي بحران کان بچايو.
وڏي وزير چيو ته پيٽروليم شين جي قيمتن ۾ گهٽتائي جو پورو فائدو هر صورت ۾ عوام تائين پهچڻ گهرجي ۽ کاڌي پيتي جي شين جي قيمتن ۾ به گهٽتائي اچڻ گهرجي.
