ايف آءِ ايڇ هاڪي پرو ليگ ۾ ڀارت قومي هاڪي ٽيم کي 2-4 گولن تان شڪست ڏئي ڇڏي. ليگ ۾ پاڪستان جي اها مسلسل 13هين شڪست آهي. مليل رپورٽن موجب لنڊن جي لي وادي هاڪي اينڊ ٽينس سينٽر گرائونڊ ۾ کيڏي ويندڙ ميچ ۾ روايتي حریف ٽيمن وچ ۾ سنسني خیز مقابلو ڏٺو ويو. جڏهن ته عالمي رينڪنگ ۾ 12هين پوزيشن تي موجود پاڪستاني هاڪي ٽيم عالمي رينڪنگ ۾ 8هين نمبر تي موجود ڀارت خلاف ڪاميابي حاصل ڪرڻ ۾ ناڪام رهي. پاڪستان کي پهرين هاف ۾ هڪ گول جي برتري حاصل هئي. جڏهن ته، مقابلو برابر ڪرڻ بعد، ڀارت ٻئي ڪوارٽر ۾ 1-2 جي برتري ورتي ۽ ٽئين ڪوارٽر جي آخر ۾، ڀارت جي برتري 1-3 تي تبديل ٿي وئي. بعد ۾ راند تيز ٿي وئي ۽ ٻنهي ٽيمن هڪ هڪ وڌيڪ گول ڪيا. ڀارت ميچ جي پڄاڻي تي 2-4 تان ڪاميابي حاصل ڪئي. پاڪستان هن اهم ترين ميچ ۾ پنهنجي ٽن بهترين رانديگرن کي وڃائي ڇڏيو. پينلٽي ڪارنر اسپيشلسٽ سفيان خان ۽ حنان شاهد کانسواءِ ڪپتان حماد بٽ به ايڪشن ۾ نظر نه اچي سگهيو. ليگ جي هن وقت تائين ٽن ميچن ۾ پاڪستان حريف ٽيمن خلاف 19 گول ڪيا آهن جڏهن ته پاڪستان خلاف 63 گول ڪيا آهن. پاڪستان ليگ ۾ پنهنجي ايندڙ ميچ اربع تي انگلينڊ خلاف کيڏندي. ليگ ۾ پاڪستان ۽ ڀارت هڪ ڀيرو ٻيهر 26 جون تي آمهون سامهون ٿيندا، جڏهن ته ٻئي ڏينهن پاڪستان پنهنجي 16هين ۽ آخري ميچ ۾ انگلينڊ کي منهن ڏيندو.
Source link
Leave a Comment Leave a Comment
