ايران ۾ هڪ بل بورڊ لڳايو ويو آهي جنهن ۾ ٽرمپ کي تابوت اندر ڏيکاريو ويو آهي

ايران ۾ هڪ بل بورڊ لڳايو ويو آهي جنهن ۾ آمريڪي صدر ڊونلڊ ٽرمپ جي هڪ علامتي تصوير هڪ تابوت ۾ رکيل آهي.

هي بل بورڊ تازو ايران آمريڪا ڇڪتاڻ جي تناظر ۾ لڳايو ويو هو جڏهن ته ان جون تصويرون ۽ وڊيوز سوشل ميڊيا تي وائرل ٿي رهيون آهن.

رپورٽن مطابق بل بورڊ ۾ ٽرمپ جي تصوير کي علامتي ۽ سياسي پيغام طور پيش ڪيو ويو آهي. اهڙيون تصويرون ۽ اشتهار ماضي ۾ ايران ۾ آمريڪا ۽ اسرائيل خلاف سياسي موقف جي اظهار لاءِ استعمال ڪيا ويا آهن.

هي بل بورڊ هڪ اهڙي وقت سامهون آيو آهي جڏهن ٻئي ملڪ حملن جو تبادلو ڪري رهيا آهن. گذريل ڪجهه ڏينهن ۾ آمريڪي ۽ ايراني عهديدارن هڪ ٻئي خلاف سخت بيان ڏئي رهيا آهن جڏهن ته مختلف سطحن تي سفارتي رابطا پڻ جاري آهن.

تجزيه نگارن موجب هن نوعيت جا سياسي بل بورڊ گهڻو ڪري علامتي ۽ پروپيگنڊا جي مقصدن لاءِ استعمال ٿيندا آهن. انهن جو مقصد عوامي راءِ تي اثر انداز ٿيڻ ۽ سياسي پيغام پهچائڻ آهي، نه ڪي عملي يا سرڪاري عمل جو اعلان ڪرڻ.