ارجنٽائن جي قومي ٽيم انگلينڊ جي خلاف ورلڊ ڪپ جي سيمي فائنل ۾ فتح کانپوءِ فيفا جي ممڪن ڊسيپلينري ايڪشن کي منهن ڏئي سگهي ٿي.
ميچ جي پڄاڻي تي ارجنٽائن جي رانديگرن جشن ملهائيندي هڪ بينر کنيو جنهن تي اسپينش ۾ لکيل آهي ’لاس مالويناس پٽ ارجنٽينا‘، جنهن جو مطلب آهي ’فاڪلينڊ ٻيٽ ارجنٽينا سان تعلق رکي ٿو‘.
فاڪلينڊ ٻيٽ هڪ برطانوي علائقو آهي، پر ارجنٽائن ڊگهي عرصي کان انهن جي ملڪيت جي دعوي ڪئي آهي.
ساڳئي ٻيٽ تي 1982ع ۾ ٻنهي ملڪن وچ ۾ جنگ به ٿي هئي، جنهن ۾ سوين فوجي مارجي ويا هئا.
فيفا اڳ ۾ ارجنٽينا فٽبال ايسوسيئيشن کي 2014 ۾ ساڳيو بينر ڏيکارڻ تي ڏنڊ لڳايو، ڇاڪاڻ ته عالمي اداري جا ضابطا راند جي ميدان تي سياسي پيغامن جي اجازت نٿا ڏين.
ٻئي طرف ارجنٽائن جي نائب صدر وڪٽوريا ولاريل سوشل ميڊيا تي بينر جي حمايت ڪندي چيو ته فاڪ لينڊ جو تعلق ارجنٽائن سان آهي ۽ اها رڳو فٽبال ميچ نه هئي.
هن ميچ کان اڳ به سخت موقف اختيار ڪيو هو.
ان جي برعڪس، ارجنٽائن جي هيڊ ڪوچ ليونل اسڪالوني واضح ڪيو ته فٽبال ۽ سياست کي گڏ نه ڪرڻ گهرجي.
سندس چوڻ هو ته ماضي جي جنگ افسوسناڪ حقيقت آهي پر ميدان تي ڌيان رڳو راند تي هئڻ گهرجي.
واضح رهي ته سيمي فائنل ۾ ارجنٽائن انگلينڊ کي سنسني خیز مقابلي کانپوءِ 1-2 تان شڪست ڏئي فائنل ۾ جاءِ ٺاهي ورتي هئي.
