نيو جرسي:
فيفا ورلڊ ڪپ 2026 جو ٽائيٽل کٽي اسپين نه رڳو عالمي ٽائيٽل کٽي ورتو پر وڏو مالي انعام پڻ حاصل ڪيو. اسپين، جنهن فائنل ۾ ارجنٽائن کي شڪست ڏني، هن تاريخي ڪاميابيءَ تي 50 ملين آمريڪي ڊالرن جي انعامي رقم ڏني وئي، جيڪا گذريل ورلڊ ڪپ جي مقابلي ۾ تمام گهڻي هئي.
نيو جرسي ۾ کيڏيل فائنل ۾ ٻئي ٽيمون مقرر 90 منٽن تائين هڪ ٻئي خلاف گول نه ڪري سگهيون.
اضافي وقت جي پهرين حصي ۾ به مقابلو برابر رهيو پر 106هين منٽ ۾ فيران ٽورس فيصلو ڪندڙ گول اسڪور ڪرڻ جو سونهري موقعو ضايع نه ڪيو ۽ اسپين کي 16 سالن کانپوءِ ٻيهر عالمي چيمپيئن بڻائي ڇڏيو.
ورلڊ ڪپ ۾ ٻي پوزيشن حاصل ڪندڙ ارجنٽائن به خالي هٿ نه موٽيو. رنر اپ ٽيم کي 3.3 ملين ڊالر ڏنا ويا، جڏهن ته ٽئين نمبر تي آيل انگلينڊ جي ٽيم کي 2.9 ملين ڊالر ۽ چوٿين نمبر تي آيل فرانس جي ٽيم کي 2.7 ملين ڊالر ڏنا ويا.
فيفا موجب 2026 جي ورلڊ ڪپ ۾ مختلف ٽيمن ۾ مجموعي طور تي 655 ملين ڊالر انعامي رقم ورهائي وئي، جيڪا 2022 جي قطر ورلڊ ڪپ جي 440 ملين ڊالر جي انعامي فنڊ جي مقابلي ۾ هڪ اهم واڌ آهي.
اهڙي طرح 2026 جو ورلڊ ڪپ نه رڳو راند جي معيار ۽ دلچسپ ميچن جي حوالي سان يادگار ثابت ٿيو پر انعامي رقم جي لحاظ کان به اهو تاريخ جو سڀ کان وڏو ۽ مهانگو فيفا ورلڊ ڪپ بڻجي ويو.
