پيٽروليم ڊيلرز روزاني قيمتن جي نظام جي آجيان ڪئي ۽ حڪومتي پاليسي جي حمايت جو اعلان ڪيو.
ايڪسپريس نيوز موجب پاڪستان پيٽروليم ڊيلرز ايسوسيئيشن جي وفد وفاقي وزير پيٽروليم علي پرويز ملڪ سان ملاقات ڪئي ۽ قيمتن ۾ سڌارن تي خيالن جي ڏي وٺ ڪئي.
ايسوسي ايشن جي چيف ايڊوائيزر ملڪ خدا بخش خاصخيلي آبنائے هرمز بحران دوران پيٽروليم شين جي مسلسل فراهمي تي حڪومت کي ساراهيو.
پيٽروليم واري وفاقي وزير علي پرويز ملڪ چيو آهي ته پيٽروليم شين جي قيمتن جو نئون نظام 7 ڏينهن جي رولنگ ايوريج تي ٻڌل هوندو، اڳوڻو هفتيوار قيمتن جو نظام به 7 ڏينهن جي سراسري قيمت تي ٻڌل هو، جڏهن ته روزاني قيمتن ۾ شفافيت وڌندي، مارڪيٽ ۾ تحريف ۽ ذخيره اندوزي جي حوصلہ شکني ٿيندي.
پي پي ڊي اي جي وفد پيٽروليم ڊيلرز ۽ او ايم سيز جي وچ ۾ ضابطن جي ترقي ۾ پيٽروليم ڊيلرز کي شامل ڪرڻ جو مطالبو ڪيو. ان تي وفاقي وزير چيو ته قاعدن ۽ ضابطن جي تياري ۾ ڊيلرز جي راءِ کي شامل ڪيو ويندو.
اجلاس ۾ يقين ڏياريو ويو ته وفاقي وزير پيٽروليم ڊيلرز جي مطالبي تي غور ڪندو ته ڊيلرز جي مارجن کي 8 سيڪڙو تائين وڌايو وڃي. علي پرويز ملڪ جو چوڻ هو ته ڪالهه ڊيلرز جي مارجن ۽ ٻين معاملن تي پي پي ڊي اي ۽ اوگرا جي گڏجاڻي ٿي آهي.
وفاقي وزير علي پرويز ملڪ حڪومت جي سڌارن واري ايجنڊا جي حمايت ڪرڻ تي پي پي ڊي اي جي قيادت جو شڪريو ادا ڪندي چيو ته حڪومت شفاف، مسابقتي ۽ صارف دوست پيٽروليم مارڪيٽ قائم ڪرڻ لاءِ پرعزم آهي.
پي پي ڊي اي جي وفد ۾ چيف ايڊوائزر ملڪ خدا بخش، راجا وسيم ڪياني، چوڌري ظفر الاهي، بابر علي چوڌري ۽ چوڌري فيصل عارف شامل هئا.
ياد رهي ته اوگرا اڄ رات کان پيٽروليم شين جي قيمتن ۾ روزاني تبديلي شروع ڪندي ۽ قيمتون عالمي مارڪيٽ ۾ قيمتن جي بنياد تي تبديل ڪيون وينديون. اوگرا طرفان نئين قيمتون ويب سائيٽ تي جاري ڪيون وينديون.
