اسلام آباد جي ڊسٽرڪٽ اينڊ سيشن ڪورٽ جي حڪم تي اينڪر جميل فاروقي جي گهرواري عائشه مسرت کي آزاد ڪيو ويو، جڏهن ته هن پنهنجي مڙس تي ناجائز حراست ۽ تشدد جو الزام هنيو آهي. ايڊيشنل سيشن جج عرفان اڪرم جي حڪم تي اينڪر جميل فاروقي جي گهر واري کي اسلام آباد ٿاڻي گولرا جي حد مان بازياب ڪرايو ويو. عورت جي والدين جي درخواست تي عدالت گذريل ڏينهن کيس بازياب ڪرائڻ جو حڪم ڏنو هو، جنهن تي ضامن ۽ پوليس عورت کي بازياب ڪري عدالت ۾ پيش ڪيو. جميل فاروقي جي گهرواري عائشه مسرت عدالت آڏو بيان ڏيندي چيو ته مان ٻن مهينن کان مڙس سان گڏ رهي آهيان، مون کي پنهنجي والدين سان ملڻ نه ڏنو ويو. هن الزام هڻندي چيو ته جميل فاروقي مون تي مسلسل وحشياڻو تشدد ڪري رهيو آهي، مان بالغ آهيان ۽ پنهنجا فيصلا پاڻ ڪرڻ جي آزاد آهيان ۽ مان پنهنجي والدين سان گڏ وڃڻ چاهيان ٿي. عدالت عورت جي بيان تي فيصلو ٻڌائيندي چيو ته عورت عاقل بالغ آهي، ان ڪري هو پنهنجي فيصلي ۾ آزاد آهي ۽ هوءَ پنهنجي والدين سان گڏ وڃي سگهي ٿي، جنهن تي عدالت عورت کي حراست ۾ رکڻ جي درخواست اڪلائي ڇڏي.
Source link
Leave a Comment Leave a Comment
