رياض:
وزيراعظم پاڪستان شهباز شريف ۽ سعودي ولي عهد محمد بن سلمان وچ ۾ اهم ملاقات جو اعلان جاري ڪيو ويو آهي، جيڪو سعودي نيوز ايجنسي ايس پي اي طرفان جاري ڪيو ويو آهي.
بيان موجب ملاقات ۾ پاڪ سعودي لاڳاپن سميت مختلف شعبن ۾ ٻطرفن لاڳاپن جو تفصيلي جائزو ورتو ويو، جڏهن ته ٻنهي اڳواڻن گڏيل ڀائيواري کي وڌيڪ فروغ ڏيڻ تي اتفاق ڪيو.
سعودي ولي عهد پاڪ-سعودي اسٽريٽجڪ سهڪار کي ساراهيندي ان کي وڌيڪ مستحڪم بڻائڻ جي لاءِ وزيراعظم شهباز شريف جي ڪوششن کي ساراهيو. ملاقات دوران وچ اوڀر جي مجموعي صورتحال تي به خيالن جي ڏي وٺ ڪئي وئي.
بيان ۾ چيو ويو آهي ته آمريڪا ۽ ايران وچ ۾ جاري سفارتي ڪوششن تي به خيالن جي ڏي وٺ ڪئي وئي، جڏهن ته خطي ۾ امن جي قيام جي حوالي سان قدمن تي به خيالن جي ڏي وٺ ڪئي وئي.
ان موقعي تي سعودي ولي عهد وزيراعظم شهباز شريف ۽ سيد عاصم منير جي ڪردار جي واکاڻ ڪندي چيو ته سعودي عرب خطي ۾ امن ۽ استحڪام لاءِ هر ممڪن تعاون جاري رکندو.
