ڪراچي:
لياري گينگ وار جي سربراهه وصي الله لاکو جا ريڊ وارنٽ نوٽيس جاري ڪيا ويا آهن.
تفصيل موجب 21 اپريل 2026 تي ريڊ وارنٽ نوٽيس جاري ڪيا ويا هئا، جوابدار وصي الله لاکو 60 کان وڌيڪ سنگين ڪيسن ۾ پوليس کي گهربل آهي، جنهن خلاف شهر جي مختلف ٿاڻن ۾ ٽارگيٽ ڪلنگ، اغوا، ڀتا خوري، پوليس مقابلن، ڀتا خوري سميت ٻيا سنگين ڪيس داخل آهن.
ڊي آءِ جي سي آءِ اي مقداس حيدر ريڊ وارنٽ نوٽيس جاري ڪرڻ جي تصديق ڪئي آهي. جوابدار وصي الله لاکو 60 کان وڌيڪ سنگين ڪيسن ۾ پوليس کي گهربل آهي.
وصي الله لاکو خلاف شهر جي مختلف ٿاڻن ۾ ٽارگيٽ ڪلنگ، اغوا ڀنگ، پوليس مقابلا، ڀتا خوري سميت ٻيا سنگين ڪيس داخل آهن.
پوليس ذريعن موجب وصي الله لکنوارو جو وڏو ڀتا خور سمجهيو پيو وڃي. جيڪي 2013 ۾ ڪراچي آپريشن شروع ٿيڻ کان پوءِ ملڪ مان فرار ٿي ويا، وصي الله پرڏيهه ۾ رهندي گروپ کي منظم ڪيو، جنهن کان گذريل ڏينهن به ڀتا خوري جو سلسلو جاري آهي.
ماضي ۾ وصي الله لاکو گروپ جي ڪيترن ئي ڪارڪنن کي گرفتار ڪيو ويو، جن وصي الله لاکو کي پرڏيهه ۾ رقم موڪلڻ جو به انڪشاف ڪيو. هن وقت وصي الله لاکو ۽ صمد ڪاٺياواڙ شهر جي واپارين ۽ صنعتڪارن لاءِ پريشاني جو باعث بڻيل آهن.
سنڌ پوليس ڪيترن ئي سالن کان جوابدار وصي الله لاکي جا ريڊ وارنٽ جاري ڪرڻ لاءِ لاڳاپيل ادارن کي خط لکي رهي هئي. سنڌ پوليس جي ڊگھي ڪوششن کانپوءِ آخرڪار وڏي ڪاميابي ملي ۽ جوابدار جا ريڊ وارنٽ جاري ڪيا ويا.
ان حوالي سان گهرو کاتي ۽ وفاقي حڪومت پاران انٽرپول سان رابطو ڪيو ويو، جنهن تي گهرو وزارت انٽرپول کي ڪورڊ وارنٽ جاري ڪرڻ لاءِ خط لکي ڇڏيو. ريڊ وارنٽ ۾ جوابدار وصي الله لاکو کي انتهائي خطرناڪ ۽ مفرور قرار ڏنو ويو آهي. ريڊ وارنٽ بابت عالمي سڪيورٽي ادارن کي به آگاهه ڪيو ويو آهي. جوابدارن جي سڃاڻپ ۽ گرفتاري لاءِ تصويرون پڻ جاري ڪيون ويون آهن.
