لبناني وزيراعظم نواف سلام چيو آهي ته لبنان ڪنهن به معاهدي تي دستخط نه ڪندو جنهن ۾ اسرائيلي فوجن جي مڪمل واپسي شامل نه هجي.
ميڊيا رپورٽن موجب لبناني وزيراعظم ڏکڻ لبنان ۾ بفر زون قائم ڪرڻ لاءِ اسرائيل جي ڪنهن به انتظام کي رد ڪندي چيو آهي ته لبنان ڪنهن به معاهدي تي صحيح نه ڪندو جنهن ۾ اسرائيلي فوجن جي مڪمل واپسي شامل نه هجي.
لبناني وزيراعظم نواف سلام چيو آهي ته اسان هڪ بفر زون سان گڏ نٿا رهي سگهون، جتي بي گهر ماڻهن کي پنهنجن شهرن ۽ ڳوٺن ڏانهن واپس وڃڻ جي اجازت ناهي.
لبناني وزيراعظم نواف سلام آمريڪي صدر ڊونلڊ ٽرمپ جي انتظاميه تي زور ڀريو ته هو اسرائيل تي دٻاءُ وجهي ته هو پنهنجي مطالبن کي گهٽ ڪري ۽ ان جو قبضو ختم ڪري.
هن وڌيڪ چيو ته ”اسان جرئتمند فيصلا ڪيا آهن ۽ هٿيار ضبط ڪرڻ، حزب الله جي فوجي ڪاررواين تي پابندي ۽ هٿيارن تي رياست جي اجارداري کي يقيني بڻائڻ ۾ اڳڀرائي ڪئي آهي. اهو لبنان جي مفاد ۾ آهي ڇو ته هڪ رياست ۾ ٻه فوجون نٿيون ٿي سگهن.
