واشنگٽن:
ڊونلڊ ٽرمپ يورپي يونين تي واپاري دٻاءُ وڌائي ڇڏيو آهي ۽ واضح ڪيو آهي ته جيڪڏهن 4 جولاءِ تائين آمريڪا سان نئون واپاري معاهدو نه ٿيو ته يورپي شين تي ڳرو محصول لاڳو ڪيو ويندو.
آمريڪي صدر ڪالهه انتباہ جاري ڪيو جيئن يورپي حڪومتون ۽ قانون ساز هڪ تجويز ڪيل واپاري ڊيل تي اتفاق راءِ تي پهچڻ ۾ ناڪام ٿي ويا.
سوشل ميڊيا تي پنهنجي بيان ۾ ٽرمپ چيو ته هن يورپي ڪميشن جي صدر سان ڳالهه ٻولهه دوران واضح ڪيو آهي ته آمريڪا پنهنجي 250 هين سالگرهه تائين معاهدو چاهي ٿو، ٻي صورت ۾ يورپي يونين کي سخت واپاري قدمن کي منهن ڏيڻو پوندو.
ياد رهي ته آمريڪي صدر ڪجهه ڏينهن اڳ يورپ مان درآمد ٿيندڙ ڪارن ۽ ٽرڪن تي امپورٽ ٽيرف 25 سيڪڙو تائين وڌائڻ جو اعلان ڪيو هو، جنهن کانپوءِ يورپي حلقن ۾ سخت خدشا آهن.
