نابلس ۾ افسوسناڪ واقعو پيش آيو، جتي 26 ورهين جو فلسطيني نوجوان نايف سامارو پنهنجي پهرين پٽ جي پيدائش کان ڪجهه ڪلاڪ اڳ اسرائيلي فوج جي فائرنگ ۾ شهيد ٿي ويو.
رپورٽن مطابق نايف سمارو پنهنجي گهرواري لاءِ ضروري سامان وٺڻ لاءِ گهر کان ٻاهر نڪتو هو. سندس زال اسپتال ۾ موجود هئي ۽ ڊاڪٽرن موجب سندن پهرين ٻار جي پيدائش ڪجهه ڪلاڪن بعد سيزيرين سيڪشن ذريعي متوقع هئي.
گهر ڀاتين جو چوڻ آهي ته نايف پنهنجي نئين پٽ جي حوالي سان ڏاڍو خوش ۽ پرجوش هو، جڏهن ته اسرائيلي فوج نابلس ۾ هڪ ئي وقت حملا ڪري رهي هئي.
اکين ڏٺن شاهدن موجب اسرائيلي فوجين آپريشن دوران نايف سامرو کي مٿي ۾ گوليون هنيون، جنهن بعد هو روڊ تي ليٽيو ۽ رتوڇاڻ ٿي ويو.
رپورٽن ۾ چيو ويو آهي ته نايف ڪڏهن به پنهنجي نئين ڄاول پٽ کي نه ڏٺو. واقعي جي ڪجهه ڪلاڪن کانپوءِ سندس پٽ جو جنم ٿيو، جڏهن ته خاندان جون خوشيون غم ۾ تبديل ٿي ويون.
فلسطيني حلقن ان واقعي تي سخت ڪاوڙ جو اظهار ڪندي شهرين خلاف اسرائيلي ڪاررواين کي انساني حقن جي ڀڃڪڙي قرار ڏنو آهي.
